Kva politikk har SV og MdG i Sogndal når det gjeld miljø saker?
Lesarinnlegg frå Clara Øberg
Miljøpartiet dei Grøne (MdG) ved Ståle Loftesnes og SV ved Oddbjørn Bukve har forfatta eit informasjonskriv som dei har distribuert og presentert langt utover dei politiske kretsar i Sogndal. Ideen deira er at vi skal ha eit pilotprosjekt med miljøvenlege små rimelege hus sentralt i Sogndal, der det skal vere kort avstand til det meste. I dette skal kvar einskild få ha ein hage og dyrka eigen mat.
I siste møte i Komité for Samfunnsutvikling , vart dette presentert av MdG ved Ståle Loftesnes. Utfordringa er å finna eigna areal.
Alt bra så langt. ..
Kva gjer Oddbjørn Bukve i praksis?
Nøyaktig ei veke seinare, 18. februar var det kommunestyremøte. Vi handsama saka om å seia frå oss alle tomte- og utbyggingsrettar på Ulvahaugen midt i Sogndal sentrum. Oddbjørn Bukve sat musestille når denne saka vart handsama og stemte med fleirtalet når det einaste arealet som kommunen har tilgjengeleg i Sogndal sentrum vart overført til ein kommersiell utbygga . Han vart utfordra av underteikna, men såg ein anna veg. I denne saka hadde SV verkeleg moglegheit til å syna kva dei vil med politikken sin.
Kor djupt stikk miljø satsinga til SV- Bukve i denne saka? Vonar det er meir enn ein prosjektplan utan mål og meining bak, vi har ikkje sett anna til no...
Clara Øberg, Sogndal Arbeidarparti