Medlemsmøte Sogndal Ap
Fleirbrukshall og kulturhus i fokus
Torsdag 4. juni var det fyrste medemsmøtet i Sogndal Ap, etter at alt har vore avlyst grunna covid-19 pandemien sidan mars. Det var godt å samlast att, med gode politiske diskusjonar.
Styret hadde invitert Eilif Rosnæs frå kommunen. Han sit i plan- og byggenemda som arbeider med å realisere ny basis-fleirbrukshall i Sogndal kommune. Eilif fortalte om arbeidet med hallen så langt, og om erfaringar nemnda har gjort seg ved besøk til Voss, Bergen og Danmark. Eilif orienterte medlemmane om hovudtrekka frå behovsanalysen som vart presentert politikarane tidlegare i vår.
Både styret og kommunestyregruppa var godt representerte på møtet, og spørsmåla frå medlemmane var gode og opplysande. Sogndal Ap har bygging av ny fleirbrukshall i programmet. Styremedlem Tonje Norheim Tangerud er også medlem i nemnda, så medlemsmøtet vart godt opplyst om stoda.
Neste sak på saklista var vår kulturelle storstove, Sogndal Kulturhus. Partileiar Liv Synnøve Bøyum, tidlegare styreleiar i Sogndal kulturhus fortalte om utfordingar og vegen vidare for Sogndal kulturhus. Medlemsmøtet var opptekne av at Ap igjen må bli eit kulturparti. Spørsmåla og debatten var opptekne av kulturen som utjamnande verkemiddel, rom for "smal" kultur, at kulturhuset er eit reellt tilbod til alle i den nye kommunen. Kultur er viktig, det gir liva våre innhald og bind oss saman som menneske, og gir oss nye og streke fellesskap.
I etterkant av desse sakene var det gruppeleiar Henny Kristin Asperanden Navarsete sin tur. Ho orienterte medlemsmøtet om den politiske stoda i Sogndal Kommunestyre, sett frå AP si side. Ho fortalte om saker kommunestyregruppa har arbeida med i vår. Desse sakene er mellom anna:
- Arbeid til alle er jobb nummer ein. Rask igangsetting av prosjekt som er finansiert og planlagt. Viktig tiltak i koronatider.
- Gjennomgåande søskenmoderasjon mellom barehage og SFO.
- Innkjøpsstrategi. 10 punkt som motverkar svart arbeid.
- Oppretthalde avdeling ved Kjørnes barnehage.
- Byggefelt Amla. Ap krev folkemøte.
I etterkant gjekk me igjennom nominasjonsprosessen. Frist for innsending av kandidatar er 26. august. Medlemsmøte er planlagt 20. august.